N95 ମାସ୍କ କହିଲେ କଣ ? ଏହାର ନାମ N95 କାହିଁକି ରଖାଯାଇଛି
OMPRAKASH MISHRA
ଯେକୌଣସି ସଂକ୍ରାମକ ରୋଗର ସଂକ୍ରମଣ ରୋକିବା
ନିମନ୍ତେ ମାସ୍କ ପିନ୍ଧିବାକୁ ପରାମର୍ଶ ଦିଆଯାଇଥାଏ l ମାସ୍କ ପିନ୍ଧିବାଦ୍ୱାରା କାଶ ଓ ଛିଙ୍କ
ଦ୍ୱାରା କୌଣସିବି ରୋଗ ଜୀବାଣୁ ଆମ ଶରୀରର ମୁହଁ ବା ନାକ ଦ୍ୱାରା ଆମ ଶରୀର ମଧ୍ୟକୁ ପ୍ରବେଶ
କରିପାରି ନଥାଏ l ପ୍ରତ୍ୟେକ ସଂକ୍ରମିତ ବ୍ୟକ୍ତି ,ରୋଗୀଙ୍କ ପରିବାରର
ସଦସ୍ୟ ଓ ସଂକ୍ରମିତ ରୋଗୀଙ୍କୁ ଚିକିତ୍ସା କରୁଥିବା ସ୍ୱାସ୍ଥ୍ୟ କର୍ମୀ ମାନଙ୍କ ନିମନ୍ତେ ଏହା ଏକ
ଅତ୍ୟନ୍ତ ଗୁରୁତ୍ୱପୂର୍ଣ ନିରପତ୍ତା ଊପକରଣ
(PPE) I
ଆବଶ୍ୟକତା
ଅନୁଯାୟୀ ମାସ୍କ ଅନେକ ପ୍ରକାରର ଥିଲେ ମଧ୍ୟ ଏଠାରେ ଦୁଇ ପ୍ରକାରର ମାସ୍କ ବିଷୟରେ ତଥ୍ୟ
ଦିଆଯାଇଛି
1.
ସାଧାରଣ ଡିସପୋଜେବଲ ମାସ୍କ (Face Mask / Surgical Mask)
ଏହି ପ୍ରକାରର
ମାସ୍କ ଗୁଡିକ ସାଧାରଣତଃ ପୁନଃବ୍ୟବହାରଯୋଗ୍ୟ ହୋଇନଥାଏ l ଏହା ମୁହଁରୁ ବା ନାକରୁ ଶ୍ୱାସକ୍ରିୟା
ଦ୍ୱାରା ନିର୍ଗତ ବଡ ବଡ଼ କଣିକା ଗୁଡିକୁହିଁ ଶରୀର ମଧ୍ୟକୁ ଯିବାରେ ରୋକିଥାଏ l ବାୟୂ ରେ ରହିଥିବା
ଛୋଟ ଛୋଟ ବା ସୂକ୍ଷ୍ମ କଣିକା ଗୁଡିକୁ ଏଭଳି ମାସ୍କ ଅଟକାଇପାରେ ନାହିଁ l ମୁଖ୍ୟତଃ କରୋନା ଭଳି
ରୋଗର ସୂକ୍ଷ୍ମ ଭୁତାଣୁକୁ ଏଭଳି ମାସ୍କ ଆଦୌ ରୋକିପାରେ ନାହିଁ l ଏଭଳି ମାସ୍କ ଗୁଡିକ ସର୍ଜିକାଲ ମାସ୍କ ଭଳି ହୋଇଥାନ୍ତି
ଓ କେତେକ ଏହାକୁ ଫେସ ମାସ୍କ ବୋଲି ମଧ୍ୟ କହିଥାନ୍ତି l ଏଗୁଡ଼ିକୁ ମାତ୍ର ୮ ଘଣ୍ଟା ପର୍ଯ୍ୟନ୍ତ
ସାଧାରଣ ଭାବେ ବ୍ୟବହାର କରାଯାଇପାରେ l
2.
N 95 ରେସ୍ପିରେଟର
ମାସ୍କ
କରୋନା ଭଳି ରୋଗର ସୂକ୍ଷ୍ମ ଭୁତାଣୁକୁ ରୋକିବା
ନିମନ୍ତେ ଏହି ଗ୍ରୁପର ମାସ୍କ ଗୁଡିକ ଅତ୍ୟନ୍ତ ଉପଯୋଗୀ l କାରଣ ଏହି N95 ମାସ୍କ ଗୁଡିକ ଆମର ନାକ ଓ ମୁହଁ କୁ ଚାରିପଟୁ ଦୃଢ଼
ଭାବେ ଘୋଡାଇ ରଖିଥାନ୍ତି l ଏଗୁଡିକ ତିନି
ସ୍ତରୀୟ ଆବରଣ ଦ୍ୱାରା ପ୍ରସ୍ତୁତ ହୋଇଥିବାରୁ ବାୟୁମଣ୍ଡଳର ସୂକ୍ଷ୍ମ କଣିକାମାନଙ୍କ ମଧ୍ୟରୁ
ପ୍ରାୟ ୯୫% କଣିକାକୁ ଅଟକାଇପାରନ୍ତି l ଏଥିପାଇଁ ଏମାନଙ୍କୁ N95 ମାସ୍କ ନାମରେ ନାମିତ କରାଯାଇଛି ଏହି ମାସ୍କ ଗୁଡିକ ଭିନ୍ନ ଭିନ୍ନ ସାଇଜର
ହୋଇଥାନ୍ତି l ପ୍ରକୃତରେ ଏହି
ମାସ୍କର ବ୍ୟବହାର ସ୍ୱାସ୍ଥ୍ୟ କର୍ମୀଂକ ନିମନ୍ତେ ଅପରିହାର୍ଯ୍ୟ ହୋଇଥିବାରୁ ସାଧାରଣ ଲୋକ ଏହାର
ବହୁଳ ବ୍ୟବହାର କରିବା ଉଚିତ ନୁହେଁ l ସାଧାରଣ ଲୋକେ
କନାରେ ତିଆରି ତିନିସ୍ତରୀୟ ମାସ୍କ ବ୍ୟବହାର କଲେ N95 ମାସ୍କର ଅଭାବକୁ କିଛିମାତ୍ରାରେ ପ୍ରତିହତ କରାଯାଇ
ପାରିବ ଭିନ୍ନ l ଭିନ୍ନ
ପରିସ୍ଥିତି ଅନୁଯାୟୀ N95 ମାସ୍କକୁ ୮ ରୁ
୧୧ ଦିନ ପର୍ଯ୍ୟନ୍ତ ବ୍ୟବହାର କରାଯାଇପାରେ l ଅତି ଛୋଟ ପିଲାଙ୍କୁ ଡାକ୍ତରଙ୍କ ବିନା ପରାମର୍ଶରେ N95 ମାସ୍କ ଦିଆଯିବା ଉଚିତ ନୁହେଁ, କାରଣ ଏହାଦ୍ୱାରା
ସେମାନଙ୍କର ଶ୍ୱାସକ୍ରିୟାରେ ସମସ୍ୟା ସୃଷ୍ଟି ହୋଇପାରେ l ତେବେ ସମସ୍ତେ ଗୋଟିଏ କଥା ମନେରଖିବା ଉଚିତଯେ
ମାସ୍କ ଯେଉଁ ପ୍ରକାରର ବା ଯେତେ ଦାମିକା ହେଲେମଧ୍ୟ ଅନ୍ୟର ବ୍ୟବହୃତ ମାସ୍କକୁ ବ୍ୟବହାର କରାଯାଏ ନାହିଁ l
ଧନ୍ୟବାଦ
